الي قدامكم ديه الأشعة السينية للكلبة بتاعتي

الي قدامكم ديه الأشعة السينية للكلبة بتاعتي و الي بتوضح انها خلاص على وشك ولادة قريب ، الدكتور بعتهالي وقالي ابقي هاتلي الكلبة تاني لأن فيها حاجة غريبة عاوز اتأكد منها ، لما سألته ايه الحاجة ديه الي انت عاوز تتأكد منها قالي إن شكل الأجنه مش طبيعي ومحتاج اعيد الأشعة

في البداية انا وديت الكلبة للدكتور بسبب التصرفات الغريبة الي لاحظتها عليها في الفترة الأخيرة،

لأنها بقت عدوانية بطريقة غريبة ودا عكس الطبيعي بتاعها ، بتعوي بصوت شبه الديابه بليل لدرجة اني بقيت اخاف منها ، ويتفضل تفحر بضوافرها في الأرض بسرعة جداً وبطريقة تقلق .. انا كنت فاكر إن الي بيحصل دا بسبب انها قربت تولد ، بس الدكتور قالي ان تصرفاتها غريبة وملهاش علاقة بالولادة

المهم خدتها و رحت بيها تاني للدكتور عشان يعيد الاشعة والتحاليل زي ما طلب بس الدكتور قالي حاجة غريبة

– شكل أعضاء الاجنة الي في بطن الكلبة بتاعتك اعضاء بشرية!!

دا كان كلامها الي انا استغربته جداً ، ازاي يعني اعضاء بشرية؟ .. الكلبة حامل في بني ادمين!!.. الدكتور نفسه كان مذهول ومش مصدق زيي بالظبط وبناء عليه قالي ان مفيش اي حل في إيدينا غير اننا نستنا ميعاد الولادة

ونشوف الي هيحصل والي احتمال يكون بعد اسبوع من دلوقتى

خدت الكلبة و روحت البيت وانا مش مستغرب من كلام الدكتور قد منا مستغرب من تصرفات الكلبة الي كل يوم بتزداد غرابة و رعب بنسبالي كل ما ميعاد الولادة يقرب ، احيانا بشوفها بتفضل ترجع لورا وتجري مرة واحدة وتقف على رجليها الاتنين كأن فيه حد قدامها بتحاول تهجم عليه ، بتفضل تصر..خ وهي بتعمل كده بطريقة مش طبيعية ، اوقات كمان تفضل تخبط دماغها في الحيطة بمنتهي العنـ..ف لدرجة أنها في مرة نزفت ولولا اني لحقتها كانت ممكن تمـ..وت نفسها

لحد ما في يوم صحيت نص الليل على صوتها بس المره ديه كان مكتووم ، بتحاول تطلع صوت شبه حد بيعيط بس كاتم صوته ،انا صحيت خايف من الي سمعته، المره ديه صوتها كان غير كل مرة لان كان عامل زي صوت البشر مش حيوان ، قومت من السرير و ورحت الأوضة الي انا مخصصها ليها ، هي أوضة اشبه بمخزن بحط فيها الحاجات الي ملهاش لازمة وفي نفس الوقت هي مبيت للكلبة

فتحت باب الأوضة عشان الاقي الكلبة ولدت ، ببب..ببس مولدتش كلـ..ب ، ديه ولدت كلاب صغيرين عادي خالص ولما رحت للدكتور أقوله إن كلبتي ولدت كلاب وازاي الأشعة كانت فيها الكلام الغريب دة قالي للأسف الأشعة كانت متبدلة وأنا أخطأت في النقطة دي والأشعة الحقيقية مظبوطة مفيهاش مشكلة واعتذرلي.