ناهد القفاص صاحبة القصة الحقيقية لفيلم المرأة والسـ.ـاطور

– ايوة

– كانت لحظة غضب ولا …

– هو من ناحية يستاهل القـ.تل .. فهو يستاهل ..شوفي انا واخدة مؤبد .. برغم بشاعة السجن لكن لو هو موجود دلوقتي .. هقـ.تله تاني

– انتي اتجوزتي واحد وطلع نصاب .. بتحصل في جوازات كتير .. ايه اللي حصل خلاكي تعملي كده

– موضوع بنتي لما لقيته كان عايز يعتدي عليها .. انا كنت بره ورجعت كانت بنتي وقتها في الثانوية العامة يعني عروسة ..رجعت لقيته مبهدلها .. انا خدت البنت في عربيتي وديتها عند ماما ..رجعت لقيته نايم .. ببنطلون البيجاما بس .. وانا قعدت قدامه على الكرسي اللي قدام السرير .. تعبانة ومرهقة ومش في دماغي اني اقـ.تله .. لاني كنت بخاف منه لما كان يمسكني يضربني كأني طفل في ايده ..

فهو كان اخد الشمة ونايم ..هو كان كاسر سنتي من الضرب ومكنتش بعرف اكل .. فجبت فاكهة وسك ينة علشان اقطعها واكل .. انا جاية ريقي ناشف وتعبانة .. والله لسه مقطعتهاش .. شفت حياتي معاه زي شريط سينما قدامي ..

مدريتش بنفسي غير وانا بقوله دي علشان كذا ودي علشان كذا .. وافتكر كل موقف مر عليا معاه.. حساب السنين كله طلع في اللحظة دي .. مكنتش مدبرة

– لما رجعتي .. بعد ما كنتي وديتي البنت عند مامتك .. وقبل الفاكهة والسك ينة .. راجعة على اساس ايه؟ هتكملي معاه ولا هتعملي ايه؟

– كنت راجعة ان نخلص موضوعنا وكل واحد يروح لحاله .. يديني حقوقي وفلوسي اللي اخدها .. انا كنت عندي فلوس لو باكل فيها أكل مكنتش خلصت .. كلها خلصها ع الشم .. مليون ونص دولار .. شقتين تمليك .. عربيتين ..كان يضرب توكيلات ويبيع من غير ما اعرف ..ولما عرفت مقدرتش اعمل شئ .. قلت احافظ على الفيلا اللي لماني انا وولادي وكمان طلع كان مدبر يبيعها

– عندك اولاد تانيين غير بنتك

– ولد ويبقى ابنه .. وده الفيلم مجابش سيرته .. انا بعد سنة جواز كنت مخلفة منه