شاب خسر 125 كيلو من وزنه بطريقة عجيبة!
الحقيقه دا حصل فعلا وبطل قصتنا هو شاب اسكتلندي اسمه أنجوس بابيري اللي صام اكتر من سنه من غير ما ياكل وجبه صلبه واحده! القصة بدأت سنة 1965 و كان أنجوس عنده 27 سنة و وزنه حوالي 214 كيلو.أنجوس راح مستشفى ماري فيلد في مدينة دندي عشان يحاول يخس، وبدأ يصوم بنية انه هيصوم فترة بسيطه تحت إشراف الطبيب.
لكن مع الوقت بدأ وزنه ينزل بشكل واضح، ودا شجعه انه يكمل صيام لفترة أطول لحد ما التجربة وصلت لأكتر من سنة.
أنجوس حرفيا كان عايش على المياه وبعض السوائل زي القهوة والشاي دا غير بعض الفيتامينات والأملاح المعدنية والخميرة الغذائية الي وظيفتها أنها تحافظ على معدل العناصر الغذائيه في جسمه وكان الأطباء بيتابعوا حالته باستمرار من خلال تحاليل الدم والبول والفحوصات الطبية.
والنتيجة كانت مفاجأة فعلًا أنجوس خسر أكتر من 125 كيلو، ووصل وزنه في النهاية لحوالي 81 كيلو.
وبعد 382 يوم من الصيام عن الأكل الصلب كان لازم يرجع للأكل بالتدريج، وكانت أول وجبة صلبة ليه عبارة عن بيضة وقطعة خبز بالزبدة.
الملفت أن خلال فترة الصيام جسمه جدا مش بس وزنه نزل لكن كمان سكر الدم والضغط كانوا فى المعدل المقبول. ومحصلوش اي علامه من علامات سوء التغذيه على عكس المتوقع.و قدر يعيش حياته بشكل طبيعي، واتجوز وخلف طفلين، وحافظ على وزنه لفترة طويلة.
في النهايه قصة أنجوس بتثبتلنا فعلا إن الصيام بيساعد الجسم أنه يعالج نفسه بنفسه ويتكيف على اى وضع .ودا درس مهم لكل اللى بيحاولوا ينقصوا وزنهم الجسم مش محتاج عدد معين من السعرات الحرارية او جرامات معينه من الاكل الصلب ونقدر تحت اشراف الاطباء نمد الجسم بكل العناصر الغذائية وننقص وزننا بشكل صحى.
قصه أنجوس هتفضل واحدة من أغرب وأنجح التجارب الى اتسجلت في تاريخ محاولات إنقاص الوزن.
