شاب ليبي اسمه مروان البهيجي تاه لمدة 5 أيام في صحراء ليبيا ولما وصلوا ليه حصل مفاجأة محدش كان يتوقعها
الدنيا مقلوبة في ليبيا والكل مذهول من اللي حصل لشاب ليبي اسمه مروان البهيجي.. تاه لمدة 5 أيام في صحراء ليبيا وكانوا خلاص فقدوا الأمل إنهم يلاقوه.. ولما وصلوا ليه حصل مفاجأة محدش كان يتوقعها.. تعالوا نعرف سوا التفاصيل
الحكاية دي بتثبت إن العمر لما يكون فيه بقية، مفيش أي حاجة في الدنيا تقدر تقف قدام إرادة ربنا سبحانه وتعالى.
دي قصة النجاة المعجزة للشاب الليبي مروان البهيجي، اللي تاه في وسط الصحراء وعاش أيام مرعبة بين الحياة والمـ.ـوت، والكل كان حاطط إيده على قلبه ومستني يشوف مصيره إيه.
مروان البهيجي اختفى فجأة وانقطع الاتصال بيه تماماً في منطقة صحراوية ممتدة، والموضوع بدأ لما خرج من أحد المواقع النفطية في المنطقة وضد طريقه في وسط الرملة.
5 أيام كاملين وهو غايب وعايش في ظروف قاسية متتخيلهاش، شمس حـ.ـارقة بتاكل في الجسم بالنهار وبرد يكـ.ـسر العضم بالليل، والأصعب من كل ده إن المية والأكل خلصوا منه تماماً، ودخل في حالة جفاف لدرجة إنه مبقاش قادر يتحرك واستسلم تماماً على الرملة.
القلوب كلها كانت موجوعة عليه وخصوصا أسرته، والموضوع عمل حالة قلق واستنفار كبيرة بين السكان المحليين.
لكن ولاد الحلال والشباب والأصدقاء مفقوش الأمل، وأطلقوا حملات بحث واسعة اعتمدت بشكل أساسي على الجهود الشعبية.
العشرات من الأهالي خرجوا بسياراتهم يقلبوا الدنيا ويسابقوا الزمن عشان يلحقوه قبل فوات الأوان.
وبعد عمليات بحث وتمشيط متواصلة ومجهود يشيب، ربنا كلل تعبهم بالنجاح وقدروا يوصلوا له ويعثروا عليه حي في منطقة “رمل 81” جنوب شرق أجخرة، وهو في حالة إنهاك وإعياء شديدة جداً.
لحظة العثور عليه شهدت مشاهد إنسانية مؤثرة جداً، واختلطت دموع الفرح بالتكبير والدعاء عقب أيام من القلق والترقب، وانتشر فيديو على السوشيال ميديا بيوثق لحظة العثور عليه وهو مرمي على الرملة ومش قادر ينطق.
الشباب المنقذين قعدوا يكبروا بفرحة ويسقوه مية بنقط خفيفة جداً عشان جسمه ميتصدمش، في مشهد يبكي الحجر من الفرحة.
مروان اتنقل فوراً على المستشفى، والدكاترة علقوا له محاليل وخدوا بالهم منه، والحمد لله، الأخبار الأخيرة بتطمن كل الناس، حالته الصحية استقرت وتجاوز مرحلة الخـ.ـطر، ورجع لأهله بالسلامة بعد ما شاف المـ.ـوت بعينيه.
شاركونا برأيكم في التعليقات هل فعلاً مروان انكتبله عٌمر جديد ؟
