قضية دعاء سمير برنسيسة منيا القمح

آخر تحديث: ديسمبر 14, 2025

عشماوى فى احد اللقاءات التليفزيونية قبل رحيله اتكلم عن كام قضية.. ممكن نحكى كل قضية فى موضوع منفصل..

من ضمن القضايا اللى اتكلم عنها قضية دعاء سمير ملكة جمال الشرقية.. بيحكى ان يوم تنفيذ الإعدام من كتر جمالها قال للمامور مش حرام دى تتعدم والستات بتاعتنا قاعدة في البيت..

كل اللى فى الحجرة ضحكوا

وفوجئ ان دعاء ابتسمت من الجملة.. بيقول من كتر جمالها كانت صعبانه عليا..وندمت انى عدمتها بس كان لازم القصاص

طيب ايه حكاية دعاء سمير

دعاء سمير فتاة من الشرقيه كانت في الجامعه.. ارتبطت بقصة حب مع زميل لها وبعد التخرج الزميل ده اتقدم لها وأهلها رفضوه نظرا لظروفه المادية المتعثرة

دعاء من عيلة كبيرة.. وأهلها عاوزين حد مرتاح ماديا ويكون في نفس المستوى المادى.. دعاء والشاب ده حزنوا جدا.. الشاب كان بيحبها بجنون وقرر انه يسافر بره عشان يحسن من مستواه المادى.. بعد فترة اتقدم مهندس لعائلة دعاء مقتدر ماديا وعنده كل الإمكانيات..

العائلة وافقت على الفور.. دعاء رفضت ولكن فى النهاية رضخت لقرار الأسرة.. المهندس ده برضوا حبها بجنون.. عمارة باسمها وفيلا عايشة فيها وسواق بسيارة خاصة يوصلها اى مكان.. كانت لو طلبت لبن العصفور يجيبوا لها من كتر حبه لها..

مرت الايام وانجبت طفلة صورة منها.. طفلة شديدة الجمال والاب كان طاير من الفرحه بطفلته وزوجته.. وفجاة رجع الشاب من بره وعرف ان دعاء تزوجت.. طبعا حزن جدا وحاول يوصل لها وبالفعل لما خرجت من الفيلا تواصل معاها وحنت للماضي واتعلقت بيه..

زوجة وأم وزوجها موفر لها كل سبل الحياة ومع ذلك رجعت لحبها القديم.. تعددت اللقاءات وفكرت فى طريقة يكون قريب منها.. كلمت زوجها ان فى شاب اخو واحدة صاحبتها بيدور علي شغل وهى وعدت صديقاتها انها هتشوف له حاجة..

الزوج طبعا ميقدرش يرفض لها طلب وذلك لحبه الشديد لها.. ووافق انه يشغله عنده فى شركته.. وواحدة واحدة أصبح الشاب ده ايده اليمن وبقا يجى عنده البيت..

دعاء بقت تحط منوم لزوجها فى العصير وتقعد مع الشاب أطول فترة ممكنة ووقعت فى المعصية.. والحرام بيحليه الشيطان.. الحرام له لذة وتلك اللذة لذة ابليس للانسان..

تعددت اللقاءات وأصبح كل يوم بيجى لدعاء.. الزوج شك.. اشمعنا لما يجى بشعر بالنعاس.. ابتدا يمنعه من دخول بيته واللقاءات فقط في الشغل.. ومنع سبل المعصية..

والشاب ودعاء مقدروش يستحملوا البعاد.. وكانت خطة ابليس.. حطت منوم لزوجها ونام وجه الشاب.. قتـ,,ـلوه وقطعوا جثـ,,ـته فى الحمام وبعد كده اترمت الجـ,,ـثة فى أماكن مختلفة.. دعاء بلغت الشرطة ان زوجها متغيب والشرطة اتحركت ومفيش حاجة.

بعد فترة مزارع وجد اشـ,,ـلاء ادامية بلغ الشرطه وجابوا دعاء تتعرف على جـ,,ـثة الزوج واتعرفت وانهارت وبكت.. طبعا كانت مانعه اى لقاءات بينها وبين العشـ,,ـيق لازم الموضوع يهدأ..

ابتدت التحريات ومفيش اى دليل.. الظابط قعد في مرة مع الطفلة الصغيرة بنت دعاء بيسالها عن اى تفاصيل.. قالت بابا كان بينام وعمو يجى كل يوم..

سالها اخر مرة جه امتى؟ وشافت ايه..

قالت شوفت ماما وعمو بيشدوا بابا وهو نايم على الحمام وانا خفت وماما مشفتنيش.. وطبعا الظابط مش عاوز حاجه تانية.. تم القبض على العشيق والزوجة وتم الحكم بالإعـ,ـدام ويوم التنفيذ كل الموجودين في حجرة الإعـ,,ـدام كانوا مبهورين من جمال دعاء..